عشاق عائلي حكايات اسما السيد

— الغريب إن اسمك ظهر في تقرير داخلي باعتبار إنك صاحب فكرة التعاقد معاهم.
وش كريم اتحرك حركة صغيرة.
أنا خدت بالي منها.
قال:
— يمكن لأن أنا اللي رشحتها في الأول.
بصيتله باستغراب.
— رشحتني؟
همس:
— ندى، مش دلوقتي.
الحاج فاروق سمعه.
قال:
— لأ، دلوقتي بالذات.
وبعدين بصلي.
— أستاذة ندى، حضرتك عرفتي كريم إن المجموعة بتتعامل مع شركتك؟
قلت:
— ماعرفتش إن فيه حاجة محتاجة تتخبى.
— أقصد… هو كان سبب في التعاقد؟
هزيت راسي.
— لأ.
كريم اتوتر.
— ندى، استني…
كملت:
— أول تعاقد جه عن طريق الفندق اللي نفذنا فيه فرح ابن أحد أعضاء مجلس الإدارة. بعدها إدارة المشتريات في المجموعة هي اللي تواصلت معانا.
الحاج فاروق بص لكريم.
— يعني أنت ما رشحتهاش.
كريم اتحرك في الكرسي.
— يمكن حصل لبس في التقرير.
الحاج فاروق ابتسم.
لكن ابتسامة ما كانتش مريحة.
— التقرير مفيهوش لبس.
مد الورقة لمدير الموارد البشرية اللي كان قاعد جنبنا.
— اقرأ آخر فقرة.
الراجل قرأ:
— “تم التعاقد مع المورد بناءً على توصية مباشرة من الأستاذ كريم عادل، والذي أشار إلى خبرته السابقة في تطوير الهوية البصرية والتجهيزات الخاصة بالمشروع.”




