عشاق عائلي حكايات اسما السيد

العشا كان مهم جدًا بالنسبة لكريم.

لأن رئيس مجلس إدارة مجموعة “روّاد للتكنولوجيا”، الحاج فاروق المنشاوي، كان المفروض يحضر بنفسه.

وكريم كان مقتنع إن لو عرف يتكلم معاه كويس، وياخد منه انطباع محترم، ممكن أخيرًا ياخد الترقية اللي بيجري وراها من سنين.

من أول ما ركبنا العربية، كريم كان متوتر.

عدل الكرافتة بتاعته حوالي خمس مرات، وبصلي وقال:

— ندى، خلي الليلة بسيطة.

بصيتله.

— يعني إيه بسيطة؟

اتنهد وقال:

— يعني لو حد سألك بتشتغلي إيه، مش لازم تدخلي في تفاصيل.

— تفاصيل إيه؟

بصلي بطرف عينه.

— يعني موضوع محل الورد والكلام ده.

فضلت ساكتة ثانيتين.

وبعدين قلت:

— بس ده شغلي.

كريم ابتسم ابتسامة باردة.

— أيوه، بس مش لازم نخلي محل ورد صغير يبقى هو أول حاجة الناس تعرفها عنك.

الكلمة ضايقتني.

مش علشان قال “محل ورد”.