عشاق عائلي حكايات اسما السيد
وشها اتغير.
كريم قال بغضب مكتوم:
— بلاش كلمة سرق دي.
الحاج فاروق ضرب بإصبعه على الملف.
— للأسف هي الكلمة اللي لجنة المراجعة استخدمتها.
كريم اتجمد.
— لجنة مراجعة؟
— أيوه.
هنا بس فهمت ليه الحاج فاروق كان هادي بالشكل ده.
هو ماجاش يتعرف على كريم.
هو كان عارف عنه أكتر مما كريم متخيل.
الحاج فاروق قال:
— المشروع اللي أنت مستني تترقى بسببه اتراجع الأسبوع اللي فات.
كريم بلع ريقه.
— وطلع إن جزء كبير من التصورات اللي قدمتها مش بتاعتك أصلًا.
كريم بصلي بحدة.
كأنه أنا اللي فضحته.
قلت:
— ماتصليش لي كده. أنا أول مرة أشوف الملف ده.
الحاج فاروق قال:
— وهي فعلًا أول مرة تشوفه.
كريم بص له.
— حضرتك عرفت منين؟
رد الحاج فاروق:
— لأننا سألناها قبل أسبوع عن التصميمات الأصلية من غير ما نقول لها ليه.
افتكرت مكالمة مدير المشروعات.
كان طلب مني الملفات الأصلية بحجة تحديث أرشيف الموردين.
مكنتش أعرف إنهم بيقارنوا بينها وبين ملفات كريم.
الحاج فاروق كمل:
