عشاق عائلي حكايات اسما السيد

— مراتك اتعمدت تعمل فيك كده.
وقفت.
كريم رد:
— أنا عارف.
ابتسمت بمرارة.
خرجت.
لقيتهم واقفين جنب المصعد.
حماتي أول ما شافتني قالت:
— مبسوطة؟
قلت:
— من إيه؟
— من اللي عملتيه في جوزك.
قلت:
— أنا ما عملتش حاجة.
— سبتيه يتفضح.
ضحكت.
— كان المفروض أعمل إيه؟ أقول للحاج فاروق إن التصميمات بتاعته؟
ردت بعصبية:
— كنتِ تسكتي.
قلت:
— أنا سكت ست سنين.
كريم رفع صوته:
— خلاص يا ندى!
بصيتله.
قال:
— كفاية تمثيل إنك الضحية.
— أنا بُمثّل؟
قرب مني.
— إنتِ كان عندك شركة بالحجم ده ومقولتيليش!
بصيتله مذهولة.
— أنا مقولتش؟
— ماقولتيش إن الوضع كبر للدرجة دي.
قلت:
— أنا قلتلك إننا فتحنا فرع تاني.
— كنت فاكر محل تاني.
— قلتلك إن عندي أربعين موظف.
— حسبتك بتبالغي.
اتسمرت.
الكلمة وجعتني أكتر من كل اللي حصل.
— حسبتني بكدب؟
قال:
— مش كده…
قاطعته:
— قلتلك إني بقيت مورد لفنادق وشركات.
— ندى، أنا عندي شغل وضغط، مش هفضل متابع كل تفصيلة.
هزيت راسي.
— بالظبط.
سكت.
قلت:
— مشكلتك مش إني خبيت.



