عشاق عائلي حكايات اسما السيد

لحد اللحظة دي، كل حاجة كانت ماشية زي ما هو مخطط.

لحد ما الحساب جه.

الجرسون حط الفولدر الصغير قدام كريم.

كريم فتحه.

وأنا لمحته قبل ما يقفله.

الحساب كان أكتر من ميتين ألف جنيه.

رقم كبير.

بس واضح إن كريم كان عايز يدفع بنفسه قدام كل الناس علشان يبان كريم ومقتدر.

طلع الكارت.

الجرسون أخده.

ورجع بعد أقل من دقيقة.

— آسف يا فندم… الكارت ما قبلش العملية.

كريم وشه اتشد.

حماتي قالت بسرعة:

— أكيد مشكلة في الماكينة.

طلع كارت تاني.

اترفض.

الصمت نزل على الترابيزة فجأة.

كريم بصلي.

وبكل هدوء، مد إيده وزق شنطتي ناحيتي.

— ندى، هاتي الكارت بتاعك.

طلعت الكارت من المحفظة واديته للجرسون.

الجرسون راح.

ورجع بعدها بلحظات.

— آسف يا فندم… العملية مرفوضة برضه.

حماتي حطت إيدها على صدرها وابتسمت ابتسامة صغيرة جدًا.