بعد وفاة أبي حكايات اسما السيد
— البيت الرئيسي، والأموال الموجودة في الحسابات البنكية، بالإضافة إلى حقوق الحساب الاستثماري، سيتم توزيعها وفقًا لآخر وصية موثقة للحاج حسين.
شريف ابتسم ابتسامة صغيرة.
ماهر بص له.
واضح إن الاتنين كانوا متوقعين التقسيم بالتساوي.
أنا نفسي كنت متوقعة كده.
لكن الأستاذ فؤاد سكت فجأة.
وطلع من الملف ظرف بني كبير.
حطه على الترابيزة.
وقال:
— لكن قبل ما أقول مين هياخد إيه… لازم أوضح إن الحاج حسين عدّل وصيته قبل وفاته بست شهور.
ابتسامة شريف اختفت.
قال بسرعة:
— عدّلها إزاي؟
المحامي بص له:
— بنفسه.
ماهر قال:
— بس أبويا كان عنده ألزهايمر!
المحامي رد بهدوء:
— وعشان كده التعديل تم بحضور طبيبين، وشاهدين، وتقرير طبي بيأكد إنه في اليوم ده كان في كامل أهليته لاتخاذ القرار.
شريف بدأ يتوتر.
— قرار إيه بالظبط؟
الأستاذ فؤاد فتح الظرف.
طلع منه آخر ورقة وقعها أبويا في حياته.
حطها قدامنا.
وبعدين رفع عينه وقال:
— والدكم قرر إن الشخص اللي اعتنى بيه طوال آخر عشر سنوات…
